Online Reporter
Izenzo ezinengi zakhelwe phezu kwezinye incezu zenkulumo. Nanzi ezinye zazo: Ezakhiwe emabizweni: Ngokujobelela u-isa. Izibonelo: amanzi – manzisa, ithemba –thembisa, ubumnandi –nandisa.
Ngokujobelela u-pha. Izibonelo: u-ivila –vilapha, inhloni –hlonipha. Ngokujobelela u-za. Izibonelo : isigqili – gqilaza, ubuthundu – thundubeza, ubhuqu –bhuquza.
Ezakhiwa ngeziphawulo ngokujobelela u-pha, loba-phala. Izibonelo: khuluphala, -de –depha.
Ezakhiwa ngezibaluli ngokujobelela u-za loba -sa: -duma –dumaza, -lula –lulaza, -nzima-zimaza, manzi –manzisa, -qina –qinisa, ngezindlela ezitshiyeneyo.
Ezakhiwe ngezenzukuthi: Zinengi ezaloluhlobo njalo zakhiwa ngezindlela ezitshiyeneyo. Izibonelo: bhobo- bhoboka, bhoboza,(isijobelelo u—ka kumbe u-za). Guquka(isijobelelo u- ka), gqu –(sijobelela u-la), bhu-bhula (sijobelela u-la), hluthu –hluthula (sijobelela u-la), ciyo –ciyoza(sijobelela u-za), ba –baza (sijobelela u-za).
Chi – chitha (sijobelela u-tha), hwi –hwitha (sijobelela u-tha), fo –foma (sijobelela u –ma), xhu –xhuma(sijobelela u-ma), siphu –(sijobelela u –na), bhansu – bhansula (sijobelela u-la), chocho –chochomba (sijobelela u-mba), tshitshi –tshitshimba (sijobelela u-mba).
Ezakhiwa ngezibabazo: Ziyingcosana izenzo ezakhiwe ngezibazo. Nanzi ezinye zazo: nci –ncifa x! nxapha –sasazela.
