Online Reporter
Singaqalisa ngesivumelwano senhloko. Izibonelo ngaphansi kwezihloko ezilandelayo isandiso lesibanjalo ngaphansi kokuvuma lokulandula: phandle — ukulandula abakho phandle; phezulu, ukuvuma kuphezulu ukulandula akakho phezulu.
Endle — zisendle ukuvuma; ukulandula azikho endle’; kude — ukuvuma bakude; ukulandula –abakho kude.
Nanku esikuphawulayo: Esivumayo singaqalisa ngesivumelwano senhloko esiqondileyo. Ukulandula kusetshenziswa u -khona ngokulandula elandelwa yisandiso.
Isibanjalo sokukhomba. Izibanjalo zokukhomba njengezabizwana zokukhomba, zehlukanisa kathathu ekukhombeni kwazo. Zikhomba eduze, buqamama lakude. Kuqala ngesigaba. Kusigaba 1 isibanjalo seduze ngu- nangu, buqamama ngu -nango, kude ngu -nanguya.
Kusigaba 1a isibanjalo sokukhomba isibanjalo sokukhomba eduze ngu -nangu, buqamama ngu -nango, kude ngu -nanguya. Kusigaba 2 isibanjalo sokukhomba eduze ngu -nampa, buqamama ngu -nampo, kude ngu -nampaya.
Isibanjalo sokukhomba eduze kusigaba 2a ngu -nampa, buqamama ngu -nampo, kude ngu -nampaya. Isibanjalo sokukhomba eduze kusigaba 3 ngu -nanku, buqamama ngu -nanko, kude ngu -nankuya.
Isibanjalo sokukhomba eduze kusigaba 4 ngu -nansi, buqamama ngu -nanso, kude ngu -nansiya.
Isibanjalo sokukhomba eduze kusigaba 5 ngu -nanti, buqamama ngu -nanto, kude ngu -nantiya.
Esikuphawulayo lapha yikuthi: Kuzo zonke izigaba isibanjalo sokukhomba siqala ngo-na-. Izibanjalo zokukhomba buqamama zicina ngo-o. Ezokukhomba kude zona zicina ngo-ya.
Bakhona abasebenzisa u -yana lesibanjalo sokukhomba kude kanje: nanguyana, nampayana, nankuyana, njalonjalo.
