UMTHUNYWA

Ukwakhiwa kwezinye izibabazo

Kubizo amajaha isibabazo ngu –Majaha!

Nxa sifunga silakho ukususa unkamisa osekuqaleni kwebizo kumbe silisebenzise ligcwele ibizo lelo: Dadewethu! kaBaba! Kumbe ubaba avuke! Umama sibili!

Umnewethu! (njalo) njalo

Amabizo esigaba 2(a) ubunengi angasebenzisa u bo- ukwakha isibabazo, kodwa ayisiwo wonke asebenzisa indlela le. Ngaphansi kwebizo lesibabazo sakha amagama kanje: Omama isibabazo ngu –Bomama! Omalume –Bomalume! Odadewethu – Bodadewethu! (njalonjalo). 

Silakho njalo ukusebenzisa izenzo eziphoqayo njengesibabazo: Hamba! Sebenza! Vuka! (njalonjalo). Loba izenzo eziphoqayo zisebenza  njengezibabazo, akupheli ukuba yizenzo kwazo ngoba siyabe silokhu sisebenzisa izivumelwano zikamenziwa njalo ziyabe zingalandelwa layizandiso.

Hlalani phansi! Ngenani endlini! Yenzani umsebenzi!

Eminye imihlobo nansi: Umuntu onikela inja uthi sa! Umuntu othimulayo kuthiwa kuye chitha! Umuntu oqhubela omunye ulutho uthi mi! kumbe mina!. Umuntu osabelayo uthi we! Umuntu ozwa ubuhlungu uthi i-i- kumbe shu! Umuntu ofuna kuthulwe umsindo uthi sh!

Sebenzisa izibabazo ezilandelayo emitshweni eqondileyo: hawu! Hatshi! Yebo! Watsha! Siwela! Bantwana! Sukuma! Mi!

 

Leave a Comment