Online Reporter
Ngesabizwana soqobo
Hlolisisa uluhlu olulandelayo ukuze uzwisise lesi sihloko ngaphansi kwalezi zihloko isabizwana, isibanjalo ngezigaba zazo sibuye siphe ngansi kwesivumayo lesi landelayo leso sabizwana:
Isigaba Okhulumayo isabizwana ngumina, esivumayo nguyimi, esilandulayo ngu-ayisimi. Konke kusebunyeni okhu. Ebunengini kume kanje: thina, isibanjalo esivumayo nguyithi. Esilandelayo ngu-ayisithi.
Isigaba Okhuluma laye ebunyeni: wena esivumayo. Esilandulayo ngu-nguwe, esilandulayo ngu-ayisuwe. Isigaba Okhuluma laye ebunengini: Isabizwana ngulina, esivumayo ngu yini, ekulanduleni ngu-ayisini.
Okulandelayo yikutshengisa ukwakhiwa kwesabizwana sesibanjalo kusukela kusigaba 1 kusiya ku15.
Kusigaba 1 isabizwana nguyena. Isibanjalo esivumayo ngu-nguye, ekulanduleni ngu-ayisuye. Isabizwana kusigaba2 ngu-bona, isibanjalo esivumayo ngu-yibo. Isibanjalo esilandulayo ayisibo.
Isabizwana kusigaba 3 nguwona. Isibanjalo esivumayo ngu-yiwo. Isibanjalo esilandulayo nguayisiwo.
Isabizwana kusigaba 4 nguyona. Isibanjalo esivumayo nguyiyo. Esilandulayo nguayisiyo. Isabizwana kusigaba 5 ngulona. Isibanjalo esivumayo kulesi sigaba nguyilo. Esilandulayo nguayisilo.
Isabizwana kusigaba 6 nguwona. Isibanjalo esivumayo ngu-yiwo. Esilandelayo ngu- ayisiwo. Isabizwana kusigaba 7 ngusona. Isibanjalo esivumayo nguyiso. Esilandulayo nguayisiso.
Yenza okufanayo kuzo zonke izigaba kusiya ku15. Ngeviki elandelayo sizachasisa esikunanzelela kukwakhiwa lokhu.
