Online Reporter
Sikumbuzo Dabengwa
SesiPHANGE safika isikhathi sokuhlolwa kwabafundi phakathi laphakathi komnyaka. Inengi impumela le izabakhombisa okuyikho okuzakwenzakala ekupheleni komnyaka.
Kuhle ukuba sihlole kuhle okwenziwa ngabanye abafundi nxa sekuyilesi isikhathi sokuhlolwa ezikolweni. Kungasisiza nxa sesilobela isiphetho sebanga lwethu.
1. Likumhloliso wesilungu endlini yokulobela umhloliso. Nangu ujaha ofikele muva evula umakhalekhukhwini ebuza angakwaziyo kumakhalekhukhwini ngapha kubhalwa.
Hlolisisa
a) Kunguwe obone umfundi ezisiza ngokubuka kumakhalekhukhwini ungenza cebo bani?
b) Omunye ombonayo usevele waphakamisa isandla ukuze azise ababalisi ngesenzo sakhe lumfundi.
c) Umfundi obuka kumakhalekhukhwini uyanxapha esefuthelene ngokucetshwa ngomunye wabafundi.
Imibuzo engavela.
a) Kuzehlakalo eziphezulu xoxa ngesimilo somfundi munye ngamunye.
b) Imithetho yokulotshwa kwemihloliso iyavela na kubafundi ababili ?
c) Kungani umfundi lo wangena lomakhalekhukhwini endlini yokuhlolwa?
2. Kuphakathi kokuloba umhloliso wezesayensi. Nangu omunye wabafundi usebubhudla ubuthongo.
Ababalisi sebethwele nzima ngokuba bemvusa. Ubukeka engeyisuye wansuku zonke lumfundi kanti njalo lephunga elizwakala kuye likhomba okunye bantu!
Imibuzo
a) Umfundi lo nxa sihlolisisa singathi kalandaba lempumela yesifundo lesi asibhalayo. Nika izizatho zibembili.
b) Nxa bembuka abanye abafundi ngokulala lokhu lokuba nguye kwakhe bafikelwa yimizwa bani?
c) Phandle nxa ungelasithupha ilanga liyatshisa. Lumfundi owenza kanje kukhanya kalalo ulwazi lwempilo yangaphandle kwesikolo. Uyavumelana lombono lo na?
d) Kuyini okudala ukuba abanye abafundi bangazihluphi nxa kubhalwa imihloliso?
e) Ababalisi bona kuyini abangakwenza ukuze abafundi bananzelele izenzo zabo ngesikhathi sokuhlolwa lesi?
Lesi yisikhathi esihle bafundi ikakhulu kulabo abantwana abazimisele ukufunda babhale lemihloliso ebalola kuhle ukuze babone lapho abami khona. Yisikhathi sokugwaza uze uqethuke mfundi. Ungadlala ngalelithuba ngokungabali ufike ulale kumihloliso kobazindaba zakho. Ungaba liqili koba zindaba zakho.
Ungeza unathile amanzi amunywana kambe kungaba licebo elihle mfundi?
Asihlolisiseni izenzo zethu ngemuva kokusadalala iminyaka emine besesilahleka ngokulandela imizwa yokudlala lokungakhuli engqondweni.
