Online Reporter
Nkosilathi Sibanda
ISIMBA Bhora isibike ukuthi kayisoke yengeze isivumelwano sayo lomqeqetshi uJoel Luphahla.
Isivumelwano lesi siphela mhlaka 31 Mpalakazi.
ULuphahla ungene kuSimba Bhora kulisizini, iqembu lijabula, lizintshantshu zika2024. Lonyaka liqede likunombolo yesithathu.
Kumbiko okhitshwe ngoLwesibili ekuseni, iSimba Bhora ithe: “Umqeqetshi utshengise ubungcitshi baphezulu lokuzimisela emsebenzini wakhe. Lokhu kumenze wathandwa ngabasekeli, inkokheli kunye lebhodi. Ubudlelwano bakhe labadlali buyancomeka njalo bekukuzinga eliphezulu,” kutsho iSimba Bhora.
“Sithatha lelithuba ukubikela umphakathi ukuthi umqeqetshi uJoel wenze kuhle njalo siyamukela ubungcitshi bakhe lokuzimisela. Simfisela ikusasa elihle.”
