USAZIWAYO kwezomculo, ukuhlekisa lokulingisa kumabonakude uBongani “Madluphuthu” Mgudlwa, kasekho.
Udlule emhlabeni ngoLwesithathu eleminyaka yokuzalwa engu-50.
Wathola udumo elingisa kumdlalo obizwa ngokuthi Madluphuthu, ngeminyaka yakuqala yama-2000s.
Umuyi wathandwa linengi labantu eSouth Africa lakuleli.
Kulandela ukufa kwalusaziwayo, inkundla zokuxhumana zigcwale ngembiko yenduduzo kumuli yakoMgudlwa. Indodana yakhe u-Asanda ithe: “Lala ngokuthula baba. Ngiyakuthanda njalo ngizahlala ngikuthanda, Madiba Dlomo.”
Umuyi uke walingisa kumdlalo Isitha ku e.tv njalo wake wenza ezomculo.
