Online Reporter
Obey Sibanda
UMLIMI odumileyo kuleli, uMnumzana Jairos Mahlangu uvakatshele emhlanganweni webandla leSeventh-day Adventist eNyamandlovu ngeviki edluleyo lapho anikeze omunye umlimi wesifazane ithokazi.
Uphinde wanika abanye abalimi isipho sempahla yokulima esigoqela imithi yokudibhisa, lokudla kwezifuyo.
UMahlangu, ongumnikazi weHlangu Ranch uhlonitsha kabanzi kuleli ngokufuya inkomo zomhlobo weBrahman. Umsebenzi kaMahlangu kwezokulima lokufuya wajabulisa uMongameli uMnangagwa, owancoma ngokuthi ungumlimi ongumzekeliso wokuthi ilizwe lakhiwa ngabanikazi balo.
Umlimi wesifazane othole ithokazi, uNkosikazi Siphathisiwe Magama ubonge engaqedi ngethokazi alitholileyo.
“Leli lithuba lokuthi ngiphakamise impilo yami, ngigcine imuli yami kakuhle,” kutsho uNkkz Magama.
Ngemva kokunikeza izipho lezi, uMnu Mahlangu uthe le bekuyindlela yakhe yokuthi ancede umphakathi owamkhulisayo, wasekela amabhizimusi akhe.
Umlimi lo uxoxisane labazalwane beSabatha, wacebisa ngokulima lokufuya okuletha inzuzo, ukuzenzela ukudla kwezifuyo lokuzwisisa ibhizimusi lokulima.
“UHulumende wethu unika abantu bakuleli umhlabathi ngakho ngikhuthaza wonke umuntu ukuthi akuthathele phezulu lokhu. Ukulima yimpilo,” nguMahlangu lo.
Isiphetho…
