Online Reporter
Umculi olodumo uMakhadzi uthabe umanzi te ngemva kokuvunyelwa ukuthi aqhubeke ngemisebenzi yakhe ngemva kwengozi yemota aba kuyo ngoMpalakazi nyakenye.
UMakhadzi unikwe imvumo yokuthi aqhubeke ngokwenza abekujayele, njalo uselungele ukukhupha i-EP entsha.
“I-Makhadzi Entertainment iyakuqinisekisa ukuthi kusukela ngoLwesihlanu, mhlaka 13 Nhlolanja 2026, uMakhadzi uvunyelwe ngodokotela bakhe ukuthi abuyele emsebenzini. Ngemva kokuhlolwa ePolokwane, iqembu lezokwelapha lasuthiseka ngokuqina komzimba wakhe,” kutsho isitatimende.
UMakhadzi uveze ukubonga ngokusukunyelwa ngabantu.
“Ngizizwa ngcono njalo ngingathanda ukubonga bonke abasebenzi, abongikazi labodokotela beNetcare, ePholosho ePolokwane ngokunginakekela kusukela ngosuku lokuqala. Ngiyabonga njalo lomphathintambo wezemidlalo uMnumzana Gayton Mackenzie, uNdunankulu weLimpopo uDkt.
“Phophi Ramathuba lebandla lakhe, iMeya yePolokwane uClr John Mpe, umdeni wami, iqembu lami, engisebenza labo, abe-AFRIMA, abeMunguambe Foundation, labalandeli bami bonke ngemikhuleko kanye lokungisekela.”
Ngesikhathi esaphathekile, uMakhadzi ubelokhu ematasa estudiyo. Abaphathi bakhe baqinisekise umbukiso wokubuya eFountains, ePitoli, mhlaka 1 kuNkwenkwezi 2026, waqhubeka esithi abantu bangamdinga ngoba usetholakala.
