Umakorokoza khaxa elenkakhayi ezimbili lamathambo abantu

The court will only deal with a constitutional issue where the remedy sought by the applicant is solely dependent upon the determination of that constitutional issue

YiNtatheli kaMthunywa

KULENDODA eleminyaka engu-28 yokuzalwa yeBindura engumakorokoza emiswe phambi komthethwandaba, isetheswa icala lokutholakala ilenkakhayi zabantu ezimbili, amathambo kunye lenwele obekuhlanganiswe lenhlabathi kuthandelwe ngamalembu alembala ehlukeneyo.

Umetheswacala uAlfred Chinjiva, wetheswa icala lokuphanda ingcwaba lenina elitholakale ukuthi nguErita nje kuphela eBindura, wathatha ukhakhayi kunye lamanye amathambo.

Umiswe emthethwandaba weBindura Magistrates Court esetheswa icala lokuphambanisa ingcwaba.
UChinjiva wabotshwa mhlaka 2 Nhlolanja kulandela ukutholakala elomfaniswana wombhobho eKitsiyatota.

Kulandela ukubotshwa kwakhe, amapholisa ahamba laye endlini yakhe eChipindura Park, lapho abathola khona inkakhayi ezimbili kunye lamathambo abantu.

Amapholisa afica inkakhayi lezi zigoqelwe ngamalembu, amathambo ayephakathi kwenkonxa kukanti ezinye inkonxa zazilenhlabathi ehlanganiswe lamathambo kunye lenwele.

Amapholisa aqhubekela phambili echwayisisa ngendaba le, ukuze athole iqiniso lokuthi kuyini okwenzakalayo vele. UChinjiva ukhangelelwe ukuphenduka emthethwandaba ensukwini ezimbalwa ezizayo.