Online Reporter
Ethel Ncube
OWAYENGUMLINGISI kumdlalo uZalo eSouth Africa uDawn Thandeka ‘uMaNgcobo’ King uzahlanganyela lalabo abakundima yokuzithokozisa koBulawayo ngoLwesine e-Amakhosi.
Kukhangelelwe ukuba umaNgcobo adibane labaculi labalingisi ukuze ababele ulwazi ngezokuzizisa.
Umcimbi lo, uqoqwe ngu Gogo uBekezela, uzaqhutshwa ekuseni okwamahola amabili njalo kuzabe kungenwa mahala.
Ekhuluma lentatheli, uGogo uBekezela ubike ukuba unxusa abaculi labalingiswa bakoBulawayo ukuba bazothola ithuba lokuxoxisana loThandeka Dawn King ukuze bazi kabanzi ngokuphathelane lokulingisa.
“Umcimbi wokuhlanganyela sinatha itiye singabalingisi labaculi sizixoxela kabanzi ngemisebenzi yethu siwubiza ngokuthi Arts Administration High Tea. Sicele uThandeka owazakala ngokuthi nguMaNgcobo ukuthi sibe laye, abalingiswa labaculi bathole ithuba lokuxoxisana laye bathole okunye abangakufunda kuye.
“Sifisa asichathekele ulwazi alalo kwezokulungisa ukuze lathi sikhule, thina sisakhasa ezintweni lezi kodwa abantu abafana laboThandeka Dawn sebekhulile njalo sebelolwazi lonke olugcweleyo kwezokulingisa,” kutsho uGogo uBekezela. Uqhubekele phambili enxusa bonke abaculi bakoBulawayo ukuba baze bezozizwela.
“Sikhuthaza abalingiswa kunye labaculi ukuba baphatheke bazizwele ulwazi oluzabaphathisa phambili emisebenzini yabo. Wozani sithole ithuba lokuba uMaNgcobo asichathekele alakho njalo sithole lethuba lokuba sibuze esingakwaziyo lesifisa ukukubuza.
Sizathola ithuba lokuba laye okwamahola amabili, asibambeni isikhathi, siqala ngo8am ngoLwesine e-Amakhosi Cultural Centre koBulawayo,” kuphetha uGogo Bekezela.
