Online Reporter
Brandon Moyo
Umdlali we-golf wakuleli uVisitor Mapwanya, ngeviki edluleyo utshengise ubuciko bomdlalo waqeda esesikhundleni setshumi lanye kuSunshine Development Tour (SunDev) Absa Invitational Series, oqhutshelwe eThika Greens, eKenya.
UMapwanya uthole i-level par 213 ngemva kwamagodi angu-54, waqeda edlula ngama-shots amahlanu ngemuva komnqobi uWill Deus owe-Uganda, obephume le-five-under-par 208.
Umdlali weZimbabwe lo uqale kuhle kakhulu umqhudelwano, ethola two-under-par 69 okumenze wabopha isikhundla sesihlanu njalo emuva ngama-shots amathathu kumkhokheli ngalesosikhathi, uDismas Indiza oweKenya. Umjikelezo wakhe wakuqala ube lama-birdies amane lama-bogeys amabili.
Ulandele ngokwenza enye i-69 ngelanga lesibili.
Ngemva komjikelezo wesibili, uMapwanya ukhwele wabopha isikhundla sesithathu (3) ku-leaderboard, emuva kwama-shots amabili kuDeus loMutahi Kibugu abakade sebehlezi bekhokhela ndawonye.
UMapwanya uqale umjikelezo wesibili nge-bogey emgodini wakuqala.
Uphinde wazilungisa ngama-birdies emgodini wesine, owesithupha, lesikhombisa kunye letshumi, waphuma nge-three-under 35. Ngemva kokuphenduka , wenze i-double bogey emgodini wetshumi lantathu, walandelisa nge-birdie kunombolo yesi-14. Waqhubeka wenza i-bogey kunombolo yesi-17 ngaphambi kokwenza i-birdie kunombolo yesi-18, waqeda ingxenye yokucina nge-37.
Umjikelezo wokucina ubenzima kuMapwanya njengoba evale nge-four-over-par 75, wacina eseqede esesikhundleni setshumi lanye (11) ngemva kokungena kulelo langa eyingxenye yeqembu elalizingela abakhokhelayo. Wenze i-bogey emgodini wakuqala, walandelisa ngenye emgodini wesithathu, wasebenza kuhle nge-eagle emgodini wesine.
Uphinde wenza i-bogey emgodini wesikhombisa, waqeda ingxenye yakuqala nge-36. Kungxenye yangemuva, uMapwanya waba lobunzima, wenza ama-bogeys amathathu alandelanayo emigodini yesi-10, 11 kanye le-12 ngaphambi kokuthola i-birdie yakhe yakuqala emgodini we-14. Ulahlekelwe ngam-shots kunombolo yesi-15 le-17 ngama-bogeys, walandelisa nge-birdie yokucina kunombolo yesi-18, waqeda ingxenye yokucina nge-39.
