UMason Mushore ufulathela iBosso

Fungai Muderere

UMDLALI wenguqu uMason Mushore usecabange ukutshiyana leHighlanders, nanko umaneja wakhe usebike ukuba kasoke aqhubeke edlala kwendala.

IFocus Sports Management, eyiyo ephethe lumdlali, ibeke isibongo esikhulu kuHighlanders, isithi yilo iqembu eliphakamise umdlali lo.
“Sibonga wonke umuntu owaba lesandla, wanikeza umdlali wethu ithuba lokuthi azitshengise ngesikhathi ekuHighlanders Football Club.
“Sibonga amathuba awaphiwayo, lemfundiso okuyikhona okwamenza wakhula njengomdlali. Sithanda njalo ukubonga abakhokheli labaqeqetshi ngokukhulisa umdlali wethu.”

Babonge njalo labasekeli beHighlanders.

UMushore wake wazama ukuyadlala eCzech Republic kodwa okwakhathesi akwaziwa ukuthi uyangaphi.