marble nkomo
Nkosilathi Sibanda
NGOSUKU lwemidlalo yesitshiya galombili kuCastle Lager Premier Soccer League, amaqembu alungiselela ukulwela imiklomelo ebalulekileyo njengoba umbango usuminyene phezulu ku-logu.
Imidlalo izaqala ngoMgqibelo mhlaka 18 Mabasa ngelanga lekhefu likaZibuse.
IHerentals College izadibana leFC Hunters enkundleni yeRufaro. Kodwa-ke amehlo amanengi azabe egxile emidlalweni yangeSonto lapho amaqembu aphezulu ku-logu azabe ezama ukuqinisa indawo zawo.
ICaps United ehlezi phezulu ku-logu ngemva kwemidlalo eyisikhombisa ilemiklomelo engu-16, izadibana le-TelOne eRufaro.
Leli iqembu lizabe lifuna ukuqhubeka ngempumelelo yalo ukuze ligcine isikhundla sokuqala kungalane yamaqembu.
Ngakolunye uhlangothi, iHardrock elingana ngemiklomelo leCaps United, izadlala leNgezi Platinum Stars eChahwanda, emdlalweni okulindeleke ukuthi ubenzima kakhulu njengoba womabili amaqembu la elwela ukuyaphezulu.
IDynamos ehlezi endaweni yesithathu, izahlangana leScottland ngoLwesithathu.
Kusenjalo, i-Highlanders FC, engakatholi ukunqoba kulisizini, izadlala leChicken Inn eBarbourfields. Abalandeli baleliqembu balindele ukuthi iqembu labo liqale ukuvula umambule ngokuhlohla.
Phansi kwe-logu, amaqembu anjengeTriangle United, TelOne leManica Diamonds alwela ukusinda ekwehleni, okwenza imidlalo yaliviki ibaluleke.
Ngemva kwemidlalo eyisikhombisa, umehluko kumiklomelo ubemncane kakhulu phakathi kwamaqembu aphezulu, okutsho ukuthi loba yiliphi iqembu lingakhuphuka loba lehle ku-logu.
Imidlalo ngokugcweleyo:
NgoMgqibelo: Herentals College v FC Hunters (Rufaro).
NgeSonto: Agama v Simba Bhora (Wadzanayi), Caps United FC v Telone (Rufaro), Triangle United v Manica Diamonds (Gibbo), FC Platinum v Mwos (Mandava), Hardrock v Ngezi Platinum Stars (Chahwanda)
NgoLwesithathu 22 Mbimbitho: Scottland v Dynamos Fc (Rufaro), Chicken Inn v Highlanders (Barbourfields), ZPC Kariba v Bulawayo Chiefs (Nyamhunga)
Online Reporter