Online Reporter
Innocent Kurira
UMSEKELI kakaputeni weHighlanders, u-Andrew Mbeba, usethethe isinqumo sokuthi nxa ezaphiwa isivumelwano sokudlala esitsha, kumele iqembu limthengele indlu.
Okwakhethesi usalinde ukuvuselelwa kwesivumelwano sakhe leqembu, nanko ebesikhona siphele mhlaka 31 Mpalakazi 2026.
Imvimbi ethenjiweyo le, kubikwa ukuba ikwenze kwacaca ukuthi ngeke ivume izithembiso zomlomo, ngakho konke kumele kube kubekwe sobala ephepheni.
UMbeba, oleminyaka yokuzalwa engu-25, owakhulela ngaphansi kweHighlanders, njalo lokhe engakangeni enkundleni yokulolonga leqembu kulungiselelwa isizini entsha.
“Ulokhe elothando leHighlanders, kodwa ufuna ukuvikeleka kusivumelwano. Kuye, indlu ayisiyonto yokuzithokozisa, kodwa yisibonakaliso sokuthi iqembu lizimisele ngaye,” kutsho omunye oseduze lodaba.
Ukudlala kwakhe kwamenza wabukwa ngamaqembu amanengi elizweni, agoqela iFC Platinum leHardRock.
Kodwa, ngenxa yokulimala kwakhe idolo, kwenza ukuthi akhitshwe kuqembu lelizwe amaWarriors phambilini kwemidlalo ye-Africa Cup of Nations. Lokhu sekuphazamise amathuba akhe okuthola iqembu elitsha.
Abafakazi abaqotho abazi okunengi ngalolu udaba bathe ukulimala kwalumdlali kwenze amanye amaqembu aba lokuthandabuza ukumzingela.
Kubikwa ukuba uMbeba uzangena kuhlelo lokwelatshwa okungenza ecine engasadlali okwesikhathi eside, okuzaphinda kunciphise amathuba akhe kwamanye amaqembu.
“Nxa kungelandlu, kasayini.”
