Online Reporter
Nkosilathi Sibanda
SEKWETHULWE amabizo abadlali bebhola lenyawo abatshibilike enkundleni zeCastle Lager Premiership, kwasuthiseka inengi lababukeli, kunye lalabo abakhethayo.
Phakathi kwabadlali laba kulo-Andrew “Tower” Mbeba oweHighlanders. Loba iHighlanders iqede umnyaka ivoxa udaka, uMbeba wenelise ukuyibamba ixega injalo, wathola ukutshayelwa ihlombe.
Usebalelwa phakathi kwengcitshi zomdlalo kuleli.
Abanye abadlali abakukhalenda ka2025 nguEmmanuel Jalai (Dynamos), Andrew Mbeba (Highlanders), Kevin Moyo, Tymon Machope (Scottland FC), William Thole, Isheanesu Mauchi, Emmmanuel Ziocha (Simba Bhora), Washington Navaya (TelOne), Billy Veremu, Moffart Abubakar (MWOS) loJarison Selemani (FC Platinum).
Abakhethe abadlali laba zintatheli zomdlalo wenguqu, abaqeqetshi kunye labokaputeni bamaqembu adlale kuPSL kulisizini.
Kuluhlu lwengcitshi lolu kulabadlali beScottland ababili abasebenza gadalala, babayinsika yokuba yintshantshu ka2025, uKelvin Moyo loTymon Machope.
UMoyo ubonakale eyikhokhela emuva, encedisana labanye ukuvala ngci, kungabi lula ukuthi amanye amaqembu abhoboze lula egedini leqembu lakhe.
Bekungeke kusale ohlohle amabhola amanengi ukwedlula abanye uWashington Navaya, oweTelOne. Umdlali lo uzaphiwa isicoco seGolden Boot. Wahlohla amabhola angu-17.
