marble nkomo
UZIBULALE ngokuzidubula ngombhobho umfundi (16), kamatikuletsheni, obanjwe nguyise ukuthi ukhulelwe.
Kubikwa ukuthi uNkosazana Sisanda Zulu (16), wakuL, Olundi, eSouth Africa obefunda eGqokamandla High School, uzibulale ngemva kokuba engafunanga ukuphumela obala ngokukhulelwa kwakhe.
Kuthiwa uzidubule egcekeni langakibo ngemva kwesikhatshana esincane ebuzwe nguyise ukuthi umithiswe ngubani.
Intatheli ikhulume loyise kamufi, uMnumzana Mandla Zulu, ozwakalise ukutshaqeka ngesenzo sendodakazi yakhe, walandisa ukusuka lokuhlala kodaba.
Uthe ingane ikhule ihlala laye lonkosikazi wakhe engayizali, unina wayo uhlala kwenye indawo.
“Umntwana ngikhulume kuhle laye, ngizama ukuba angichazele ukuthi ukhuleliswe ngubani, kodwa wangafuni ukhuluma iqiniso. Ngimcele ukuba alungise impahla zakhe ukuze aye kunina, njengoba bengikholwa ukuthi uzakwazi ukuvuleleka kuye. Ngiqede ukuxoxa laye, waphuma isikhatshana, kanginakanga ukuthi uya ngaphi. Ubuye ngemva kwesikhatshana wazivalela endlini alala kuyo.
“Ngihambe ngayolala. Kube yisikhathi esincane ngilele, ngezwa inkosikazi ingivusa, ibuza ukuthi ngubani lo odubulayo lapha ekhaya. Siphume sayolungalunguza, safica (ingane) ikhiye umnyango, ngenhlanhla kukhona iwindi ebelivulekile, izingane zangena ngalo, zavula umnyango.
“Ngingene ingakathuli, ngazama ukuyihlalisa phansi, kwatsho ukuthi sekonakele, isimo besinzima. Kasazi ukuthi isikhali ezidubule ngaso, isithethe ngaphi. Silethemba lokuthi sizathola maduze njengoba amapholisa ephenya,” kuchaza uyise kamufi.
Uthi okumxaka kakhulu yikuthi kungani indodakazi yakhe ibingaphumeli obala ngokuthi ikhuleliswe ngubani, njengoba ize yakhetha ukuzibulala. Uthi bekungakapheli lenyanga ethole ukuthi indodakazi yakhe izithwele.
“Ekhaya bathi baqale ukuqaphela ngoZibandlela ukuthi izithwele. Omunye wabasonta layo, uthi uqale ukuqaphela ngoMpalakazi. Enkulumeni yethu lomufi, ngimchazele ukuthi ngicela aye kunina, wacela ukuthi ngingamxotshi aze aqede umatikuletsheni, ngamchazela ukuthi angimxotshi, kodwa ngenzela ukuthi ayokhululeka, axoxe lonina.
“Kube kubuhlungu kakhulu ukubona ingane yami izibulele ngalindlela. Ibibukeka ilekusasa elihle, futhi ibisenza kuhle kakhulu esikolo. Empeleni ibingumuntu ohlakaniphileyo, futhi obelekusasa elikhanyayo. Angazi ukuthi idimoni eliyingenileyo lisuka kuphi.
“Ngokutsho kwezingane, indodakazi yami ziyibone iphethe lento emnyama esiyihlonze njengoshefu, okukhomba ngokusobala ukuthi ibikuhlosile ngempela ukuzibulala. Sihlukumezeke kakhulu ngesenzo sayo, ngoba bengilethemba lokuthi izakwazi ukuchazela unina, kodwa kwacina kungasenzekanga. Sisele lemibuzo esingazi ukuthi iyophendulwa ngubani, njengoba singazi ukuthi ibikhuleliswe ngubani.”
Okhulumela amaphoyisa KwaZulu-Natal, uCaptain Ntathu Ndlovu, usiqinisekisile lesi sehlakalo, wathi amapholisa aphenya icala ngokufa kwentombazane eleminyaka engu-16, okutholakale isibhamu eceleni kwayo. —Ilanga
Online Reporter