admin
Listen Ndlovu
USELOBE iqoqo lezinkondlo umfundi weLupane State University.
UNkosazana Anele Moyo oleminyaka engu-25 ongumfundi uselobe iqoqo lezinkondlo elibizwa ngokuthi ‘Emibilini Yembongikazi’.
Ekhuluma lentatheli kaMthunywa u-Anele Moyo uthe ulobe inkondlo lezi ekujuleni kwemicabango yakhe.
“Emibilini yembongikazi liqoqo lezinkondlo engililobileyo lisitsho ukuthi ekujuleni kweminakano yembongikazi.
Inkondlo lezi bengiziloba zivelela ekujuleni kwemicabango yami.
Njengomlobi ngiyazibumbela abalingiswa abayingxenye yami okungaba yinkosazana, iqhawekazi loba umngane okukhulu yikuthi inkondlo lezi zixoxa ngendaba yami leyomunye umuntu yiloba ngubani,” kutsho u Anele.
Uqhubekele phambili wathi uloba inkondlo egxile kulokhu asehlangane lakho kuhambo lwempilo.
“Ngathi ngiqala ukuloba inkondlo ngangiveza imizwa yami ngiyiqoqa ngiyibhale ibezinkondlo.
Kunengi osekwenzakele empilweni yami lasemhlabeni jikelele ngakho bekungela ndlela engingayisebenzisa ukukhuluma ngakho ngaphandle kokuba ngilobe inkondlo”.
‘Inkondlo engizilobileyo zikhangela kakhulu izimo abantu abahlangana lazo empilweni, ukulahleka kwamasiko phakathi kwabantu abamnyama langokuqakatheka kwempilo ngakho bengiloba ngalokho okwenzakala duze kwami.
Ngilobe njalo mayelana lenkolo yabantu, abanye bakholelwa kuNkulunkulu abanye bakholelwa kwezinye izithixo kodwa okuqakathekileyo yikuthi kukhona abakholelwa kikho,” kugqiba uMoyo.
Online Reporter