admin
KUZAMELE behlise amaphaphu abathanda iGenerations: The Legacy abese belindele ukubona intandokazi yomlingisi uVusi Kunene osekuvele ukuthi kakaqali ukushuta leGenerations.
UKunene, owayedlala indawo kaJack Mabaso kuGenerations endala, kwamenyezelwa ngoNcwabakazi ukuthi usejoyine iGenerations: The Legacy.
Okhulumela iGenerations: The Legacy, uGaaratwe Mokhethi, uthe uKunene, okumanje udlala indawo yokuba yinkosi uBhekifa Ngubane kuSibaya kuMzansi Magic, kakaqali ukushuta.
“Mhlawumbe uyoze aqale ukubonakala ngoMbimbitho noma ngoMabasa ngomnyaka ozayo ngoba akakaqali ukuqopha,” kutsho uMokhethi.
UMokhethi usanda kukhipha isitatimende sokuthi uLebohang Mthunzi, odlala indawo ka-Angela, ngeke esaba khona emdlalweni.
“Sibe lentokozo yokubona uLebohang ekhula hayi kuphela njengomlingisi kodwa njengeciko eliphelele. Simfisela konke okuhle ngezinhlelo zakhe ezizayo futhi siyathemba ukuthi uzophumelela ezinhlelweni zakhe,” kutsho uMokhethi.
Uthe lesoka lika Angela, uSiya Radebe, odlalwa nguKabelo Molausi, ngeke esaba khona emdlalweni.
Ngenyanga edluleyo kuvele ukuthi uMutodi Neshehe, odlala indawo kaZola Radebe, laye uyahamba. Ngaphambi kwalokho kwamenyezelwa ukuhamba kuka-Asanda Foji, odlala indawo kaSimphiwe, Denise Zimba odlala indawo kaMary (ongasabonakaliyo) loVuyo Dabula onguGadaffi.
“USimphiwe uzacina ukubonakala ngoMpalakazi kukanti uGadaffi yena angikabi kwazi ngoba kakaqedi ukuqopha,” kutsho uMokhethi.
NgoMpalakazi iGenerations: The Legacy izobe iqeda umnyaka yaqala ukubukiswa. Ngaphambi kwayo kwakudlala iGenerations eyaphela ngemuva kokuxotshwa kwabalingisi abangu-16 abatelekela ukunyuselwa umholo.
IGenerations kwakuyiyona mdlalo obukwa kakhulu eNingizimu Afrika kodwa manje isidlulwa yi-Uzalo. “Yonke into ihamba kuhle.Ababukeli kumele babone umehluko ukuthi sekuyinto entsha akusiyona iGenerations endala. Ukuba khona kwemidlalo efana noUzalo siyakujabulela ngoba kuyasicindeza ukuthi sisebenze kanzima sixoxe izindaba ezizothokezelwa ngababukeli,” kutsho uMokhethi. — Ubulembu
Online Reporter