Sidumisile Mabena
Farai Dauramanzi, eseMaphisa
UMONGAMELI uMnangagwa unikeze izindlu ezakhiwe ngaphansi kohlelo lwePresidential War Veterans Housing Scheme kubalweli benkululeko eMaphisa, eqinisa ukuzimisela kukaHulumende ekuthuthukiseni impilo zabo.
UMongameli, ephelekezelwa nguMama uDokotela Auxillia Mnangagwa, uhlole izindlu lezi ngaphambi kokuthi anikeze ama-war veterans isipho sokudla lamabhayisikili.
Uphinde wavula ngokusemthethweni esinye sezibholane eMaphisa ngaphansi kohlelo lwePresidential Borehole Drilling Scheme.
UNobhala weZanu PF obona ngama-War Veterans, Ex-Political Prisoners, Detainees and Restrictees, and Non-combatant Cadres, uDouglas Mahiya ubonge uMongameli ngokunakekela ama-war veterans.
Uthe uhlelo lwezindlu zama-war veterans luyaqhubeka elizweni lonke, luhlose ukwakhela ama-war veterans izindlu ezilesithunzi.
“SiloMongameli olalelayo, owasungula inhlelo zokuthuthukisa ama-war veterans okugoqela ezokwakhiwa kwezindlu lezibholane,” kutsho uMahiya.
“Siyambonga uMongameli. Simfisela impilo ende. Lezi inhlelo kumele ziqhubeke, yikho sisekela ukuthi aqhubeke embusweni kuze kube ngu-2030 ukuze umsebenzi lo uqhubeke.”
UMphathintambo wogatsha War Veterans, Ex-Political Prisoners, Detainees and Restrictees, and Non-combatant Cadres, uMonica Mavhunga, laye ubonge uMongameli ngokunakekela izidingo zabo.
“Ngiyambonga uMongameli ngoba wabona kufanele ukusungula ugatsha olugcweleyo engilukhokhelayo, oluqondene lokuthuthukisa impilo lamathuba omnotho kuma-war veterans.
“Ngiyajabula ukuthi izindlu lezi zinikezwa ngesikhathi sinanza inkululeko yethu esayilwela kanzima,” kutsho uMavhunga.
Uphinde wabonga uMcebisi kaMongameli, uDokotela Paul Tungwarara, ngokusekela inhlelo zokuthuthukisa impilo zama-war veterans.
“Ngiyambonga uMongameli ngokusinika uMcebisi wakhe uDokotela Tungwarara. Sisebenza laye kuhle kuzo zonke inhlelo zokuthuthukisa ama-war veterans.”
Uhlelo lwePresidential War Veterans Housing Scheme luhlose ukwakhela ama-war veterans izindlu ezisezingeni eliphezulu elizweni lonke.
Online Reporter