Sidumisile Mabena
Vusumuzi Dube
UMongameli welizwe uMnangagwa uselumathise isibane sikaZibuse eMaphisa Stadium, okungumzuzu oqakathekileyo kumkhosi wokuthakazelela iminyaka engu-46 ilizwe lathola inkululeko.
Umzuzu lo obalulekileyo wenzakale ngesikhathi sika 12:04pm, njalo uhlangabezwe yikujabula okukhulu okuvele kumphakathi.
Umdlali welizwe wekhilikithi uRichard Ngarava uqhubele uMongameli isibane lesi ngemva kokukhokhela iqula elisingenise enkundleni yeMaphisa.
UNgarava ubehamba leqembu labagijimi, abantwana besikolo kanye lababona ngezokuvikeleka kwelizwe abayibo akade bethwele isibane lesi besingenisa enkundleni.
Ukulumathiswa kwesibane kungenye yezinto eziqakathekileyo zokuthakazelela umkhosi kaZibuse, okutshengisa ukujabulela inkululeko yeZimbabwe, ukubambana kanye lentuthuko yesizwe.
Online Reporter