admin
UTHIERRY Henry, ingcitshi yomdlali wenguqu eyadla ubhedu, usephindile njalo ukugcizelela ukuthi iqembu leManchaster United kumele lixotshe uLouis Van Gaal liqhatshe uJose Mourinho.
UHenry uthe nxa iMan U ifuna ukuncintisela inkezo yeBarclays lokuyadlala ku-Uefa Champions League, kuzamele yehlukane loVan Gaal.
Lokhu kuza ngemva kokuba iManchaster City ibike ukuba izaqeqetshwa nguPep Guardiola ngesizini ezayo ethathela phezulu kukaManuel Pellegrini. UGuardiola okwamanje uqeqetsha iBayern Munich.
UMourinho sekuyisikhathi ekhangelelwe ukuthi uzaqeqetsha iManchaster United. Ebuzwa ngekusasa yakhe kunguqu, uMourinho uthe akula angakutsho.
UHenry ukhuthaze umaqhuzu weMan U eEd Woodward ukuthi akhiphe uVan Gaal emsebenzini ekupheleni kwalisizini.
“IManchaster United idinga ukuphumelela. UMourinho nguye ongakwenza lokhu.
“Ngibona angathi uMourinho ulokhe engumqeqetshi ololwazi lobuciko baphezulu kunguqu,” kuloba uHenry kuphephandaba le The Sun eNgilandi.
UMourinho uxotshwe kuChelsea ngoMpalakazi kulandela ukunqotshwa kwalithimu engadlali kuhle kulisizini. — Ubulembu
Online Reporter