Online Reporter
Ethel Ncube
KULOMPHUROFETHI wesiPositoli eMasvingo omiswe phambi komthethwandaba weMasvingo ngeviki ephelileyo esetheswa amacala okudlwengula umntwana lenina ngamalanga atshiyeneyo.
UMartin Dunga oleminyaka engu-45 yokuzalwa ugwetshwe iminyaka engu-20 epika ejele ngemva kokudlwengula umntwana oleminyaka engu-17 kunye lenina elendileyo elalibuye esontweni lidinga usizo.
Umtshutshisi uLiberty Hove uveze ukuba umsolwa waqala ukudlwengula ngomnyaka ophelileyo.
“UDunga wahlangana lomama lomntwana ephekelezela unina esiya ekilinika wathi babuye eMasowe bahamba, bathe behambe enkonzweni umphurofethi wakhetha umntwana ukuba angene ekuhlabeleni.
“Umntwana wathi esiya ekuhlabeleni wahlangana lomphurofethi wahamba laye uthe besendleleni umphurofethi wambamba wamdlwengula. Uthe esemdlwengulile umntwana kubikwa wabikela uyise ngoMbimbitho ngomnyaka ka2024.
“Wabuya wadlwengula elinye inina elalihambe enkonzweni lomkalo ngoNcwabakazi kuwonalo umnyaka. Kubikwa laba ababili bathi befika enkonzweni umphurofethi wathuma indoda ukuba iyekukha amanzi emfuleni wasala edlwengula umkakhe.
“Inina leli lahlaba umkhosi kodwa akula owezwayo ngoba abazalwane babehlabela. Umka mamangala wesibili lo uthe ephenduka umkakhe wambikela ngokwakumehlele kodwa indoda ayizange ikukholwe. Umamangala wahamba wayabika emapholiseni okwabangela ukuba umphurofethi abotshwe,” kubika uHove
Umantshi uInnocent Bepura ugwebe umsolwa iminyaka engu-20 epika ejele.
