Online Reporter
YiNtatheli kaMthunywa
Kudaba olutshwaqisa umzimba kubotshwe umphurofethi enzikini yedolobho leHarare elenkonxa ebilezitho zomzimba ezigoqela amazinyo, amathumbu, inkaba kunye legazi.
URumbidzayi Sanyamvura owaziwa ngokuthi nguMadzimai Rumbi njalo owaziwayo eGlen Norah utholakale elezitho lezi zomuntu.
Kubikwa ngeviki ephelileyo kulenina elafa ngesikhathi libelethiswa ngumphurofethikazi lo, endlini yakhe.
Inina lelo, elileminyaka engu-36 uNkosazana Misoya kubikwa lalifike kumphurofethi lo lisithi alincedise ngokomoya ukuze libelethe kuhle.
Inina lelo kubikwa lalileHigh Blood Pressure okuqinisekiswe yi-post mortem eyenziwa eSally Mugabe Central Hospital.
Amapholisa aziswa ngesehlakalo lesi ngoMgqibelo.
Kubikwa umetheswacala watshengisa amapholisa inkonxa eyayilezitho zomzimba ezehlukeneyo ezigoqela amazinyo, amathumbu, inkaba kunye legazi athi ngokukaMisoya.
Inina leli lahle labotshwa.
Isikhulumi samapholisa eHarare uInspector Luckmore Chakanza uqinisekise ngokubotshwa kwenina leli andubana aveze ukuba umngcwabo kaMisoya umisiwe ngoba amapholisa asaqhubeka ngokuhlolisisa.
Ngemva kokumiswa komngcwabo isidumbu sikaMisoya kunye lenkonxa elezitho zomzimba kuhanjiswe eSally Mugabe Hospital ukuze kuyehlolisiswa futhi kwenziwe amaDNA tests.
