Online Reporter
Nkosilathi Sibanda
IPREMIER Soccer League (PSL) isibize umqeqetshi weNgezi Platinum Stars uTakesure Chiragwi ukuthi azobika ngesehlakalo sakhe sokutshaya umdlali wakhe ngempama.
UChiragwi watshaya uMcDonald Makuwe kumdlalo wabo leDynamos owaphetha kuyi 1-1. Ngesikhathi etshaya umdlali, uChiragwi wayetshengisela, esala inyathelo likanompembe lokuvumela ukuhlohlwa kwebhola elabuyelisa iDynamos emdlalweni. Ibhola leli lalihlohlwe ngumdlali weNgezi Platinum uBrooklyn Katumba.
“Inhlanganiso yePremier Soccer League isibize iNgezi Platinum Stars kunye lomqeqetshi wayo uTakesure Chiragwi ukuthi bazomiswa phambili kwedale lamacala lezijeziso, kulandela isehlakalo esabakhona kumdlalo weligi yeCastle Lager leDynamos, eRufaro Stadium mhlaka 4 Mfumfu 2025,” kutsho umbiko wePSL.
“UTakesure Chiragwi ulecala lokwenza udlame, ukungaziphathi kuhle emphakathini, okulakho ukwehlisa isithunzi, kulethe ihlazo emdlalweni. INgezi Platinum ilecala
“INgezi Platinum yethweswa icala lokuphazamisa ukuqhutshwa komdlalo kunye lokuziphatha okungafanelanga, okuvezwe lithimba layo labaqeqetshi lezinye izisebenzi labadlali.”
Amacala la azathethwa mhlaka 28 Mfumfu, emahofisini ePSL ngehola lesihlanu ntambama.
