Vusumuzi Dube
Zimpapers Sports Hub
ITHIMBA labaqeqetshi besifazane kuqembu lamaMighty Warriors lingabe lehluleke ukuphuma lesicoco kunkezo yeCosafa Women’s Championship esanda kuphela, kodwa iqembu lelizwe lokhe lisemlonyeni yabathandi benguqu.
AmaMighty Warriors aphothule umqhudelwano ekunombolo yesine ngemva kweNamibia, South Africa leZambia.
Umgadli, uRutendo Makore uhlonitshwe njengomgadli ohamba phambili kulumqhudelwano. Lokho kube ngokwesibili ethola lumklomelo nanko wake wawuthwala ngo2017.
Phakathi kwamazwe alitshumi lanye ku-Cosafa Women’s Championship, i-Zimbabwe yiyo yodwa ebilebhentshi labaqeqetshi besifazane. Umqeqetshi omkhulu uSithethelelwe “Kwinji 15” Sibanda ubencediswa ngu-Irene Mwanza, lo-Onai Chingawo owabonozinti. UPrimrose Serima ubekhangele ngokuqina kwabadlali. UManeja bekunguKudzanai Matavire, udokotela kunguMargaret Maulana.
Kulandela ukudlala kuhle, amaMighty Warriors athole ukunconywa langumqeqetshi weZambia uCharles Haalubono.
“Ngaphandle kokukhangela impumela yemidlalo, okufundwayo kulumncintiswano yikho okuqakathekileyo. IZimbabwe ingimangalisile.
“Umdlalo wabo ubesezingeni eliphezulu njalo asizange sibabhekele phansi, ikakhulu ngemva kokuba bona bedlula phezulu kweqembu leSwatini kumdlalo wabo wokuqala.”
Uqhubeke wathi: “Kodwa, engikuthande kakhulu yikuthi baliqembu kuphela elilabaqeqetshi besifazane kuphela. Abesifazane laba benze umsebenzi wabo ngokuzethemba okukhulu.”
Kusenjalo, uSibanda useRwanda lapho afundela khona isithupha seFifa Diploma in Coach Education.
Online Reporter