Online Reporter
YiNtatheli kaMthunywa
UMTHENGISI omkhulu wezidakamizwa koBulawayo uTyron Siegfried Pigors (39), weMatsheumhlophe, uzabolela entolongweni kulandela ukunikwa isigwebo sokuyapika iminyaka emihlanu ngokuthengisa isidakamizwa se-crystal meth.
Umsolwa ubotshwe mhlaka 6 Mbimbitho ngemva kokuba amapholisa encwetshwe indlebe ayafika endlini le bathola izidakamizwa ezibiza iUS$6 000 zifihlwe lapho okungacatshangelwa khona.
Abacuphi bathola izidakamizwa lezi phakathi kwesisefa okwakungathi ngesesichazamazwi, ngaphansi kombheda wakhe, ebhokisini lamabhisikiti kunye laphakathi kwebhokisi lezicathulo elalifakwe phakathi kwe-trunk. Abacuphi babuye bathola lezikali ezimbili lesinye esemkulwini — ezazisetshenziswa kubhizimusi le.
Umantshi uNkosazana Sibonginkosi Mkandla uthe uPigors uyingozi emphakathini, wasequma ukuthi ayepika iminyaka eyisificaminwe mibili ejele, andubana alengise iminyaka emithathu kukhangelelwe ukuba aziphathe kuhle ngesikhathi esejele.
Lokhu kutsho ukuba uPigors uzakuyapika iminyaka emihlanu ejele.
