Online Reporter
Fungai Muderere
UMDLALI wamaWarriors uMarshal Munetsi kubikwa uzabe ekhona kumdlalo wangoLwesibili lapho iqembu elizabhekana leRwanda emdlalweni kaGroup C oweFIFA World Cup Qualifier 2026 eSouth Africa.
Amathemba amaWarriors okufinyelela emncintiswaneni weWorld Cup atshabalale ngoLwesihlanu ebusuku kulandela ukwehlulwa nge 1-0 yiBenin e-Abidjan, e-Ivory Coast.
Ngaphandle kwalokhu, umqeqetshi uMichael leqembu lakhe bazabe behlose ukuqeda umkhankaso wabo ngegiya eliphezulu. Umdlalo wangoLwesibili lo unikeza iZimbabwe ithuba lokubuyisa ukuzigqaja lokukhulisa umfutho ngaphambi kokuthi iyencintisa we-Africa Cup of Nations ka-2025 ozakuba seMorocco ngoMpalakazi.
UMunetsi, owakhutha umdlalo leBenin, ngemva kokuphiwa amakhasi alithanga amathathu, uzathwala amathemba abalandeli.
AmaWarriors aqhubekela phambili edlala imidlalo yawo “ekhaya” kweleSouth Africa njengoba ilizwe lisaswele inkundla evunywa yiCAF.
Umdlalo uzaqala ngo-6 ntambama e-Orlando Stadium.
