Online Reporter
IPHAZANYISWE yizinja ingwe ephose yaqeda umthandazi lezingane zakhe, imvukela egangeni esendleleni yokuyakhuleka.
UMnuzana Mtholiseleni Gwamanda (42), weNgubevu, eMabomvini, eMsinga, eSouth Africa usindiswe yikubaleka, wakhwela esihlahleni lezingane zakhe ezintathu ngesikhathi izinja zisilwa lengwe ebizama ukubahlasela.
Uthi uzwe ibhonga egangeni, kanti lezinja beseziyibonile.
Ngesikhathi isephula izihlahla, isiza kuye, uthi kusize izinja zakhe zayivimba, yaphazamiseka. Uthi izinja zakhe ezingu-6, zife zonke.
“Izinja ziqale ukukhonkotha mina ngingakayiboni, ngaleso sikhathi ibisibhonga.
“Ngitshele izingane ukuthi zikhwele esihlahleni, ngoba bese ngiyibona iphakathi kwezihlahla. Kuthe uma zisondela kuyo izinja, yaqonda ngqo kuzo, yatshaya eyokuqala yafa ngalesosikhathi.
“Ibiyimpi. Ibiza ngakimi izinja ziyiphazamisile, ziqhamuka ngaphambili, ezinye ziqhamuka emaceleni langemuva. Kulapho-ke engithole khona ithuba lokubaleka, ngakhwela esihlahleni.
“Kuthe uma isibulele ezinye izinja, yatshibilika yeza kulesi sihlahla engibalekele kiso, yedlula ingangiboni yaze yaya kwesinye isihlahla, yakhwela kuso,” kutsho uGwamanda.
Uthi ngesikhathi isikhwele esihlahleni, ukwazile ukuyibona, wathola ithuba lokukhipha umbhobho wakhe, wadubula. Uthi uyitshaye amahlandla amathathu wayithelaphansi.
“Izinja ezintathu zisale egangeni, ezinye ezintathu zafela ekhaya, ngoba bezilimele kakhulu. Ngibonga izinja ezenelise ukungivikela ngokuthi ziyiphazamise ngoba bengizakufa lezingane zami,” utsho njalo.
Uthi amandla kaNkulunkulu makhulu ngoba kazandanga ukubonakala ingwe kulindawo asazi abazi ukuthi bezivela ngaphi.
Ngemva kokuyibulala kwakhe, uthi kusabalale ezinkundleni zokuxhumana, wabe esethola ucingo ezikhulwini zikahulumende, zimazisa ukuthi inkosi uMisuzulu sicela ukulethelwa inyamzana le efileyo.
“Ifikile indlunkulu yasithatha ingwe lami, saya esigodlweni seSilo. Kuthe uma sifika khona, inkosi yabonga kakhulu ngobuqhawe bami. INkosi ithe inyamazana le ibonwa ngamaqhawe kuphela,” utsho njalo.
Utshele intatheli ukuthi inkosi imnikeze inkomo yenkabi, lemvilophu ebile-R30 000.
“Inkosi ithe uma ngifika ekhaya, ngithenge imbuzi ngenze isiko elithile ngoba ukubulala kwami linyamazna, kuyinto enkulu, futhi engenziwa yiloba ngubani,” uphetha kanje. —Ilanga
