Online Reporter
Nkosilathi Sibanda
IQEMBU leChicken Inn selibike ukuba seliqhatshe uTonderai Ndiraya njengomqeqetshi walo okweminyaka emithathu.
UNdiyara uzancediswa nguNaison Muchekela ozabe engumsekeli wakuqala kuthi uFortune Ncube abengowesibili.
Ukufika kwethimba labaqeqetshi abatsha laba kubikwa kuyingxenye yomzamo wokuqinisa iqembu, ubungcitshi kunye lokuncintisana okuqotho, ngokutsho kwehofisi yokukhitshwa kwembiko kuChicken Inn.
“IChicken Inn yamukela abaqeqetshi abatsha njalo ikhuthaza abalandeli kunye labaxhasi ukuthi basekele ukuvuselelwa kweqembu njengoba lingena kusigaba esitsha,” kutsho umbiko weqembu.
Iqembu leli lithe abanye abasebenza labaqeqetshi bazabikwa kunsukwana ezilandelayo.
Ithimu yabaqeqetshi abatsha ilomthwalo wokuguqula iChicken Inn, ibeke isiko lokudlala inguqu elizakuba yinsika yokuphumelela, ngasikhathi sinye ikhuthaze ukuthuthukiswa kwabadlali lokuzwana phakathi kweqembu.
