admin
YiNtatheli kaMthunywa
UMQEQETSHI wamaMighty Warriors uShadreck Mlauzi kubikwa laye uzathola uvava lwemota njengoCallisto Pasuwa.
Lokhu kuvezwe nguMkhokheli weZimbabwe Football Association.
UMlauzi ngumqeqetshi owenze imbali ngokungenisa isizwe kumidlalo yamaOlympics alonyaka, okungokokuqala kunguqu yakuleli.
Umongameli weZifa, uPhilip Chiyangwa ubike ukuba uMlauzi uzabongwa ngomsebenzi wakhe njengalokho abakwenze kuPasuwa ngoba iZifa ifuna ukuthi abaqeqetshi basebenze bekhululekile.
Lokhu kuvele ngesikhathi iZifa ibambene lomsekeli wayo kwezemali uWicknell Chivayo enikeze uPasuwa isipho semota yohlobo lweTotoya D4D. Imota le yayithenjiswe uPasuwa lapho esalolonga amaWarriors ancintisa kumqhugelwano weAfrica Nations Championships, iChan.
Imota ezaphiwa uMlauzi kubikwa izathengwa nguChivayo ongusomabhizimusi weHarare. UChivayo usethembise ukuthi uzasekela amaWarriors, ikakhulu wonke amathimu enguqu amela isizwe.
“Umqeqetshi wamaMighty Warriors uzabongwa njalo. Kumele athole imota ngokufanayo. Sibonga indlela abaqeqetshi laba abasebenza ngayo. Batshengisela ukuzimisela,” nguChiyangwa lo.
Online Reporter