admin
YiNtatheli kaMthunywa
UMQEQETSHI weMamelodi Sundowns uPitso Mosimane engabe eseyibambe ngesandla esisodwa inkezo yeAbsa kodwa uyakuvuma ukuthi engakhitshwa iqatha emlonyeni nxa ithimu yakhe ingaxegisa kumidlalo emine eseleyo.
UMosimane ubika ukuthi ukudlala ngokukhaliphileyo yikho okungayisiza iSundowns kulesi isibanga somdlalo.
ISundowns iqede impelaviki ngokuthaba kulandela ukunqoba inkunzi zeKaizer Chiefs 3-1. ISundowns ibikhangelele ukuwunqoba lumdlalo ukuze ivule isikhala phezulu kwelogu.
Kuthe unompembe etshaya eyokuqeda umdlalo uMosimane wabonakala ngokuhlekelela ukuthi kuyamjabulisa ukunqoba kweqembu lakhe.
Ekhuluma kuSuperSport, uMosimane ukuvezile ukuthi kuzamele ayibophe ngamadla iSundowns kumidlalo eseleyo.
“Okumqoka yikuthi sinqobe yonke imidlalo eseleyo. Angeke sithi sesizintshantshu iligi ingakavalwa.
“Ngokujwayelekile sihlezi silwela ukuwina yonke imidlalo. Sekusele imidlalo emilutshwane, kuhle ngoba yithi esihlezi phezulu,” kusho uMosimane.
UMosimane uqhubeke wathi: “Lokhu kufana lomjaho wamabanga amade. Akekho umuntu owake wagqatshula intambo ehleka kuvela elomhlathi.”
Ithimu elakho ukuthathela iSundowns isicoco ikhangele yiBidvest Wits, ehleli endaweni yesibili ku-logu.
ISundowns leWits zizotholana mhlaka 11kuNkwenkwezi.
Kulisizini iSundowns isinqobe isicoco seTelkom Knockout njengamanje idlalela iligi kanti iselethuba lokungena kumkhankaso weCaf Confederation Cup.
Online Reporter