Online Reporter
Brandon Moyo
UMDLALI we-golf kuleli uScott Vincent useseduzane lokubizwa ngokuthi yingcitshi kulumdlalo ngemva kokudlala kuhle kumncintiswano wePIF Saudi International, eSaudi Arabia.
Umncintiswano lo usekelwa yiSoftBank Investment Advisers njalo uhlanganisa abadlali abazintshantshu emazweni abasuka kuwo.
Okwakhathesi uVincent uyakhokhela kungalane yabadlali kuluhlu lweLIV Golf Rankings elemiklomelo engu-325.59, elandelwa nguYosuke Asaji oweJapan ole-285.30.
Ekhuluma leZimpapers Sports Hub kuliviki, uVincent uthe uzadlala njengensuku zonke.
“Nxa ngidlala angikhangeli imiklomelo kuphela, kodwa ngiqina ngokukhangela indlela engidlala ngayo,” kutsho uVincent.
“Ngilolonga nsukuzonke. Ngizadlala ngendlela engiyijwayeleyo. Ngiyazi ukuthi kuzabe kungumncintiswano omkhulu kodwa angizihluphi ngalokho.
Umdlali lo uzabeka ithemba lokuthi aphenduke kuligi ephezulu njengoba esenqobe ku-Iron Heads GC. Uhlezi kunombolo yesibili ku-Asian Tour Order of Merit edlule kuTaiwan Glass Taifong Open lapho athole imiklomelo engu-1 793.96.
