Online Reporter
YiNtatheli kaMthunywa
UMNUMZANA William Chikoto, oyintatheli yodumo, usebekwe ukuthi abe ngumphathi omkhulu wenkampani yeZimpapers.
Lokhu kuqinisekiswe nguMphathintambo wogatsha obona ngezokwethulwa kwemibiko, uDokotela Jenfan Muswere.
UDkt Muswere ubike ngokuphakama kukaMnu Chikoto ngesikhathi kulomhlangano weZimpapers Strategic Planning Workshop edolobheni leHarare ngoLwesihlanu.
UMnu Chikoto uzakhokhela ukukhula kweZimpapers isiba yinkampani egxile kwezokusabalalisa indaba kuqakathekiswa inkundla zokuxhumana zakulezinsuku.
NgoLwesine iZimpapers yethule inkundla yokusebenzela lendlela yokusebenza entsha i-digital first newsroom.
Lokhu kube yisitshengiselo sokuthi linkampani izimisele ukuhamba phambili kwemanye ekusabalaliseni izindaba masinyane, kuzo zonke inkundla zokuxhumana ebulenjini kunye lakumaphephandaba uqobo lasemsakazweni.
