USenong uzaphiwa iholo lenyanga eyodwa?

Innocent Kurira

IHIGHLANDES ilakho ukuthi ibhadale uThabo Senong iholo lenyanga eyodwa kulandela ukuqanyulwa kwesivumelwano sokuba ngumqeqetshi waleliqembu.

Abafakazi abaseduzane lodaba batshele iZimpapers Sports Hub ukuba lokhu kuzakuya ngokuphuma kwe-work permit yalumqeqetshi.
“Iqembu lingabhadala uSenong iholo lenyanga eyodwa, kodwa lokho kuzakuya ngokuphuma kwe-work permit,” kutsho umfakazi lo.

USenong wayethulwa njengomqeqetshi weHighlanders ekuqaleni kwalinyanga, ephiwe ikontileka lemasizini amabili.

Kodwa, iqembu lacina seliguqula umqondo, lakhetha ukuqhatsha uBenjani Mwaruwari. USenong kwasekumele abengumsekeli wakhe.

Umaqhuzu weHighlanders uDenzil Mnkandla uthe baphakathi kokukhulumisana loSenong.
“Kusaxoxiswana lomqeqetshi uThabo Senong. Silethemba lokuba kuzavunyelwana, kuphethwe udaba. Iqembu ngeke litsho okunengi ngesikhathi kusakhulunyiswana,” nguMnkandla lo.

 

 

 

 

 

facebookShare on Facebook
TwitterPost on X
FollowFollow us
PinterestSave

Related Posts

I-ZIFA ikhala ngokwedlula emhlabeni kwabakhokheli beHighlanders
I-ZIFA ikhala ngokwedlula emhlabeni kwabakhokheli beHighlanders

YiNtatheli kaMthunywa INHLANGANISO yenguqu yakuleli, iZimbabwe Football Association (ZIFA), isiyethule amazwi enduduzo kulandela ukwedlula emhlabeni kwabakhokheli beqembu leHighlanders abathi umgcinisihlalo uKenneth Mhlophe, umsekeli wakhe uFiso Siziba lomgcinisikhwama uNkani Khoza. Ukwedlula…

Continue reading
Iyezi elimnyama kuHighlanders
Iyezi elimnyama kuHighlanders

YiNtatheli kaMthunywa UMGCINISIHLALO weHighlanders uKenneth Mhlophe, umsekeli wakhe uFiso Siziba lomgcinisikhwama uNkani Khoza badlule emhlabeni kungozi yemota eyenzakale ngoLwesine ebusuku emgwaqweni weBulawayo-Harare. Kubikwa ukuthi abathathu laba bebevela eKariba ngemva komdlalo…

Continue reading

Leave a Reply

Your email address will not be published. Required fields are marked *

×