admin
UMLINGISI womdlalo uAshes to Ashes uMenzi Ngubane utshade umtshado wesintu ngempelaviki lesithandwa sakhe sakudala uSikelelo Sishuba eKagiso eWest Rand.
UNgubane wehlukane lomkakhe uLerato Sedibe nyakenye.
Izihlobo ezingathandanga ukuqanjwa ziveze ukuthi uSishuba kanye loNgubane bathandana kuminyaka elitshumi edluleyo ngesikhathi besebenza bonke kuSABC.
Ababili laba behlukana uNgubane wasehlangana loSedibe.
UNgubane loSishuba bavuselele uthando lwabo ngemva kokwehlukana kukaNgubane lomkakhe nyakenye.
“Wasitshela ukuthi usethole igolide kanye lezulu elincinyane kuye.”
UNgubane nyakenye waphiwa inso ngozwelo lomunye umuntu ngemva kokuhlutshwa yizinso okwesikhathi eside.
UNgubane wangena kwezokuzithokozisa ngomnyaka ka1987 kumdlalo wesiZulu othi Kwakhala Nyonini. Kukanti ngeminyaka yama 1990, waduma ngokudla kumdlalo othi Ubambo Lwami enguMazwi. — Ubulembu
Online Reporter