adminNguEmmanuel ndlovu
UVIVIANE NKIWANE odume esitikini ngokuthi nguSlizer Zimbabwe uswele amazwi okubonga uMdali ngemva kokusinda kungozi yemota kuviki edluleyo.
Lumhlabeleli oqhunsa ingoma zomdumo weHouse-kwasa wehlelwa yingozi ngoLwesibili lweviki edluleyoeGoli.
Omunye umfakazi ohlabela loNkiwane utshele iphephandaba leli ukuthi khathesi lumculi usesibhedlela seJohannesburg.
“Wehlelwa yingozi ngobusuku bangoLwesibili kuviki edluleyo ngesikhathi evela emsebenzini. Ngemva kwengozi le wahle wagijinyiselwa esibhedlela seJohannesburg lapho alaliswe khona.
“Silethemba lokuthi uzasila masinya ngoba umbiko kadokotela waveza ukuthi kalimalanga kakhulu,†kulandisa lumfakazi.
UMongezi Mpofu ongumqondisi wenhlelo zomculi lo ufakazile ngesehlakalo lesi.
“Kuliqiniso lokhu okuzwileyo njalo ngilethemba lokuthi uzasila masinya. Sibonga uNkulunkulu ngokuphepha kwakhe kulingozi. Engaqina siyaqhubeka ngomsebenzi wethu owokuthokozisa abantu emphakathini,†kutsho uMpofu.
UNkiwane waduma ngedlalade lakhe elithi Nomakanjani alihwatsha ngomnyaka ka2012. Ngomnyaka olandelayo wabuya wahwatsha njalo elinye idlalade elithi Bazali abami kodwa alisabanga lodumo njengelakuqala.
Iloba egxile elizweni leSouthAfrica, sowake waqhunsa kumikhosi yezokuzithokozisa ekuleli eminengi.
Ukukokotsha kwakhe kwaphanga kwathandwa ngabantu abanengi yikho abanye baze bathi unguSlizer wakweleZimbabwe.
Online Reporter