Online Reporter
IKHUTHAZA ukufundwa kwezinye indimi zeNingizimu Afrika lokuhlanganyela kwezizwe zakuleli, intandokazi yomculi uSjava, owenze okwehlukileyo ezingomeni eziku-albhamu ayethule ngeviki edluleyo, elesihloko esithi, Inkanyezi Nezinkanyezi.
USjava uveze ukuthi isuselwa kuleyo ayiqophe phambi kwezethameli ngomnyaka owedlule. Ngomnyaka owedlule uSjava bekungokokuqala eqopha ngale indlela.
Kule ayethule ngeledlule, uphinde waqopha izingoma ezifanayo, kodwa waziqophela e-studio, esepike labanye abaculi kuyo.
Echaza ngale albhamu ayikhiphe kulo nyaka, uthe ubone kumqoka ukuba aphinde anike abalandeli bakhe okwehlukile kulalokhu okujwayelekile.
“Ngesikhathi ngiqopha bukhoma, ngiyazi kukhona ababengawuqondi umbono wami, futhi ngangikulindele lokho. Yingakho ngibone kufanele ukuba ngibenzele le albhamu ngendlela ejwayelekile, kodwa sengipike abanye abaculi,” etsho.
USjava uthe okumqoka ngayo yikuthi upike abaculi abehlukeneyo okubalwa kubo uNkosazana Daughter, uMsaki, uSiya Ntuli nabanye.
Uthe okunye yikuthi kulezingoma ezilezinhlamvu zezinye izilimi, okuyinto athi uyibone imqoka kakhulu emculweni wakhe.
“Ngiyazi ukuthi izingoma zami ezinengi ngizicula ngesiZulu, kodwa lokhu akutsho ukuthi abathandi bomculo wami ngamaZulu kuphela. Yonke indawo lapho esifika khona, kulabantu abawuthandayo umculo wami.
“Yingakho ngibone kungcono ukuthi lami ngikhombise ukuthi ngiyasondela kubo ngokuthi ngizifundise izilimi zabo ngokuthi ngizifake izinhlamvu zezilimi zabo,” echaza.
Uthi kulengoma ayiculayo yokubingelela, esebenzisa indimi zahlukeneyo, kanti ikhona futhi lenye asebenzisa izinhlamvu seziTsonga, lezinye.
Uthe ukuzifundisa indimi lamasiko ezinye izizwe kukhombisa ukuthi lawe uyabahlonipha, futhi basondelene lawe. Uthe abantu baseNingizimu Afrika bakhombise ukuwuthanda umculo wakhe kuzo zonke izinkalo lalapho singakhulunywa khona isiZulu.
Uthe yingakho njengoba ezoqala imizungezo yakhe yeminyaka eyitshumi esemculweni, ezogudla zonke izinkalo ezikhona eNingizimu Afrika.
“Sizoya koMpumalanga laseCape Town, lakwamanye amadolobha esingakaze siye kuwon” etsho.
USjava ungomunye wabaculi abathandwayo eNingizimu Afrika, njengoba eseke wahlabana ngenqwaba yezindondo, waphinde wahlomula langendondo yaphetsheya kwezilwandle, yeBET. —Ilanga
