admin
Amabizomuntu asuselwa ezenzweni
Bhala – umbhali, dlala – umdlali, cula – umculi
Amabizo emihlobo yabantu – umZulu, umXhosa, umKalanga.
Imihlobo yamabizo esigaba 1(a) aleziqalo u-
Amabizoqho: uThemba, uThoko, uMkhize. Amabizo akhomba ubuhlobo: umalume, ubaba, ukhulu, ugogo. Amabizo ezilwane: umvundla. Amabizo ezinyoni: ukhozi, uthekwane.
Isabizwana: Lolucezu lwenkulumo lungaphansi kukaSobizo. Isabizwana laso sisebenzisa njengebizo emitshweni.
Isabizwana singamela ibizo elingumenzi loba elingumenziwa emitshweni.
Imihlobo yesabizwana: Isabizwana soqobo, isabizwana sokukhomba lesabizwana senani.
Isabizwana soqobo – Mjemgona isabizwana soqobo sisebenza esikhundleni sebizo kutsho ukuthi singasihlela ngezigaba zamabizo kanje: Isigaba Okhulumayo : mina – thina. Isigaba Okhuluma laye: wena – thina. Isigaba
Okhuluma ngaye: 1. yena 2. bona 1(a) yona 2(a) bona 3. wona 4. Yona 5. Lona 6. Wona 7. Sona 8. Zona 9. Yona 10. Zona 11. Lona 14. Bona 15. Khona.
Lapha sinanzelela ukuthi izabizwana zileziqu ezimbili, isiqalo lesiqu. Kuziqalo zonke lezi siqaphela ukuthi zonke zigcina ngonkamisa – o, ngaphandle kwezigaba 1 lo (a). Lezi zona zilesiqu esifananayo u – na.
Sizatshengisa ukwakhiwa kwaso ngeviki ezayo.
Bafundi bophani ziqine lifunde lilungiselele imihloliso ngoba inengi lenu kukhanya lisemuva kakhulu. Vikelani ubhubhane lweCOVID 19 ngokulandela izinqumo zabempilakahle.
Online Reporter