Online Reporter
Nkosilathi Sibanda
USODOLOBHO wakoBulawayo u
t uthe kuqakathekile ukuthi kube labesifazane abanengi abasezikhundleni zobukhokheli ukuze kuqiniswe ingatsha lenhlanganiso eziphethe imisebenzi kazulu.
Uthe sewananzelela ukuthi abesifazane bakhokhela kuhle, wanikeza umzekeliso kanobhala wekhansili uNkosikazi Sikhangele Zhou.
“Nxa sikhangele umhlaba wonke, lapho okuphakanyiswa khona abesifazane, amazwe lawo ayathuthuka. Inhlelo zethu zihambisana lamaSustainable Development Goals njalo abesifazane baphakathi kwalezinhlelo.
“Ikhansili ilenhlelo ezikhuthaza ukuphatheka kwabesifazane ekuthuthukisweni komnotho. Inhloso yethu yikukhuthaza ukulingana ngokobulili. Kodwa-ke, umbuzo obalulekileyo ngowokuthi abesifazane banikezwa amandla ngendlela efaneleyo na,” kutsho uColtart, kusethulo sekhansili kuMasiyephambili Weekly.
Uthe idolobho lakoBulawayo lilembali yokuphakamisa abesifazane.“
Leli lidolobho elilembali yokuphathisa abesifazane. Isibonelo sikuHome Industries lapho okwenziwa khona imisebenzi yezandla okulempahla ethunyelwa kwamanye amazwe, ebalisela amabhasikiti, ama-floor rugs, mohair scarves lezingwane. Lokhu kunikeza idolobho lelizwe imali yakwamanye amazwe.”
Ukuzimisela kwekhansili yakoBulawayo ekuthuthukiseni abesifazane kubonakale ngokuqhutshwa kweBulawayo Women Investment Conference ngeviki edluleyo. Umhlangano lo ubusekelwe yihofisi kaMphathintambo weProvincial Affairs leDevolution koBulawayo, isebenzelana lekhansili.
