Online Reporter
Thupeyo Muleya
KWEHLE iyezi elimnyama eBeitbridge ngemva kokuba omunye usomabhizimusi odumileyo kulindawo, uMnumzana Farai “Mr Grocery” Longwe, edubule wabulala unkosikazi wakhe ngaphambi kokuthi azidubule.
Lokhu kwenzakale eTshidixwa ngoLwesithathu ebusuku.
Lesi sehlakalo senzakale phakathi kwamabili ngesikhathi uLongwe, olamabhizimusi ezitolo emalokitshini, ezivalele ekamelweni lomkakhe.
Imbangela yokwenza lokhu kayaziwa.
Isikhulu samapholisa esigabeni seBeitbridge uChief Superintendent Melusi Ncube uthe baphenya ngodaba lolu.
“Sithumele ithimba lamapholisa ukuyahlolisisa, kangikatholi imininingwane egcweleyo. Sizakweluleka ngeminye imininingwane ngokuhamba kwesikhathi,” kutsho uChief Supt Ncube.
