Online Reporter
UVEZE imfihlo yakhe yokulingisa indawo kaMkabayi emdlalweni iShaka Ilembe uThandeka Dawn King ngesikhathi ekhuluma emcimbini wokwethulwa kwalo mdlalo obuseSibaya Casino ngoLwesihlanu.
Lumcimbi ubuhanjelwe ngamakhosi akulesi sifundazwe, osodolobho, okhansila labalingisi balumdlalo.
UThandeka ngesikhathi ekhuluma kulumcimbi uveze ukuthi ukudlala indawo kaMkabayi kayifani lezinye aseke wazidlala kweminye imidlalo kamabonakude.
Uthe okwenza indawo kaMkabayi ihluke yikuthi indawo yomuntu oke waphila futhi olesithunzi sakhe esikhona emhlabeni.
Uthe ngenxa yalokhu kudingeke ukuthi abe lohlelo lwakhe oluhlukile ukuze akwazi ukuxhumana laye ngokomoya ukuze akwazi ukuyidlala ngokusezingeni le ndawo.
“Bekumele ukuthi njalo ngaphambi kokuthi siqale ukuqopha ngibe lendlela engizoxhumana laye ukuze akuqonde ukuthi sengikhona futhi ngivusa umoya wakhe,” kutsho lintandokazi yomlingisi.
Esekhuluma eceleni ngemva kokuba amakhosi ethole ithuba lokubuka isiqephu sokuqala salumdlalo uThandeka uthe abantu kumele bakuqonde ukuthi bonke abalingisi balo mdlalo badlule ezigabeni ezinzima.
“Uyabona lo mdlalo ube nzima kakhulu kithina njengabalangisi ikakhulukazi ngokomoya, njengoba mina ngingumuntu wedlozi. Ngakho imimoya ephila kimi bekumele ikwazi ukuxhumana lowakhe uMkabayi ukuze kuphume lento abantu abazoyibona kulumdlalo,” kutsho uThandeka. UThandeka empeleni ukuthandile okutshiwo uNgqongqoshe wezohulumeni baseKhaya lobuHoli beNdabuka KwaZulu Natal uMfu Thulasizwe Buthelezi ukuthi kumele bonke abalingisi balo mdlalo bathole ithuba lokuya emanxiweni alabo abebebalingisa ukuze bakwazi ukuqonda nokuthola inhlambuluko.
“Ngokwami bengizothi sonke njengbalingisi ngemva kwalumdlalo uma usuphothuliwe sithole ithuba lokuthi siyohlanjululwa sihlanzwe imimoya yalaba bantu ebesibalingisa ngoba bayaphila kithi,” kutsho uThandeka ekuveza ukuthi ukulungisa kulumdlalo kuthathe isibindi lobuqhawe kibo ngoba abalingisi ngabantu abangamadlozi kweminye imizi.
“Kweminye imizi izindawo ebesizidlala uma kutshiswa impepho emsamo kubizwa bona.
Uyakuqonda ke ukuthi bekungezona nje izindawo zokudlala lezi kodwa besithinta amadlozi abantu, okuyinto engelula,” esho.
Uthe nakuba kunjalo kodwa ukuthokozele ukuqopha isizini yesibili yalo mdlalo futhi unethemba ukuthi ababukeli bazokuthokozela ukuyibona.
Lo mdlalo uchazwe njengomqoka esizweni samaZulu njengoba ususelwa empilweni yeLembe eleqa amanye amaLembe uShaka othathwa njengombumbi wesizwe samaZulu. — Ilanga
