Online Reporter
Bhekimpilo Tshalibe
AMAPHOLISA aseveze ukuthi kulendoda evela kuVillage 44 eMvuma ethethwe ngamanzi izama ukuchapha umfula ogcweleleyo mhlaka 16 Nhlolanja.
Kubikwa osengumuyi uMunashe Muzinda wazama ukuchapha umfula egade inqola eyayikhokhelelwa zinkabi ezimbili. Kuzwakale ukuthi wathathwa ngamanzi kanye lenkabi zakhe ezimbili lenqola. Kuzwakale ukuthi indaba le yavela egcekeni lapho umzawakhe kamuyi uXevier Madzikanyika eze ezame ukuxhumana laye ngomakhalekhukhwini kodwa wathola ukuthi umakhalekhukhwini wakhe wayengasangeni.
Kubikwa ngemva kokusola uMadzikanyika wabikela ezinye izakhamizi ukuthi zimdingise umzawakhe okwenza bacina bemthola esebhubhile ebangeni eliyi-2km besuka emfuleni lapho okuchatshelwa khona.
Kuzwakale ukuthi inqola lenkabi kwakungasabonakali. Amapholisa abikelwa ngaloludaba njalo abuya athatha umzimba kamuyi awusa emotsha yesibhedlela seMvuma.
Kubikwa izakhamizi zaqhubeka zidinga inkabi lenqola zaze zayatholaka ngemva kwamalanga angu 6, mhlaka 23 Nhlolanja 2025.
Intatheli ikhulume lesikhulumi samapholisa eMidlands uInspector Emmanuel Mahoko othe ukhuthaza uzulu ukuthi engachaphi imifula egcweleyo.
“Sikhuthaza abantu ukuthi bengalingeki bezame ukuchapha imifula egcweleyo,” kuphetha u-Inspector Mahoko.
