Online Reporter
YiNtatheli kaMthunywa
Umfundi weTownsend Girls High oleminyaka engu-17 obeselenyanga engabonakali usetholakele.
UThandiwe Moyo utholakale eBarham Green koBulawayo ngemva kokuba abantu bebone imbiko yokuthi uyadingwa batshayela abazali bakhe bebabikela ngalapho akhona.
UThandiwe kubikwa utholakale ehlala lendoda eleminyaka engu-25 yokuzalwa, ehle yabotshwa ngamapholisa enkambeni yeDonnington.
Indoda le ikhangelelwe ukumiswa emthethwandaba maduze.
Intatheli ixhumane lomama kaThandiwe oqinisekise ngokutholakala kwendodakazi yakhe.
“Umntwana simthole izolo ntambama. Silaye ngekhaya. Siyabonga ukuthi utholakale ephila,” kutsho umama kaThandiwe.
