Online Reporter
KULENDODA eleminyaka engu-40 ethumbe umntwana oleminyaka engu-14 emzini wabazali bakhe e-Odzi ngaphandle kolwazi lwabo, ebotshwe eSakubva Bus Terminus isizagada ibhasi eya eChipinge, ifuna ukuyatshadisa umntwana lo lendodana yayo ese eSouth Africa.
Lokhu kuvele ngeviki ephelileyo ngoLwesihlanu, uLovemore Sithole umiswe emthethwandaba kamantshi eMutare, esetheswa icala le-trafficking njengoba kuchazwe eSigabeni 3 (1) (a) (ii) njengoba sifundwa lesiGaba 3 (2) soMthetho wokuthengisa abantu (Isahluko 9:23).
Umantshi uNkosikazi Pathekile Msipa, umthole elecala uSithole, wamgweba iminyaka elitshumi ejele.
Umtshutshisi, uNkosazana Perseverance Musukuto, utshele inkantolo ukuthi uSithole uhlala e-Arda Transa, e-Odzi.
UNkosazana Musukuto uthe umamangala uleminyaka engu-14, uhlala e-Arda Transau e-Odzi, njalo ufunda uFomu 1.
Umthethwandaba uzwe ukuthi uSithole lomamangala kabalabuhlobo.
UNkosazana Musukuto ubikele umthethwandaba ukuthi ngoMpalakazi 20, 2025 citshe ngo-8 ebusuku, e-Arda Transau, uSithole wathatha umamangala emzini wabazali bakhe ngaphandle kolwazi lwabo, ehlose ukumusa eChipinge, ayemendisa kundodana yakhe ehlala eSouth Africa.
Abazali bakamamangala bathola udletshana ngokuthatwha kwendodakazi yabo basebelandela, okwenza ukuthi kubotshwe umsolwa eSakubva Bus Terminus besendleleni yokuya eChipinge lomamangala.
