admin
UTSHONILE owesilisa oleminyaka engu-26, osolwa ngokutshaya unina (72) ngesando waze wafa ngoLwesibili koNobuhle, e-Eastern Cape kweleSouth Africa.
Ngokombiko otholwe ngamapholisa, kuthiwa uNozipho Tshem ubelele ngesikhathi kungena indodana yakhe ngabo-2 ngezintatha.
“Kuthiwa kuzwakale umsindo phakathi kwabo bobabili ngaphambi kokuba indodana igqeme unina ngesando iphindelela,” kutsho uColonel Priscilla Naidu okhulumela amapholisa ase-Eastern Cape.
“UTshem utshonele khona lapho, indodana yakhe yatshaya yachitha. Umdeni uvule icala lokubulala. Imbangela yokuhlasela lokubulala ayikaziwa.”
Ngesikhathi amapholisa esendaweni yesigameko, kungene umbiko wecala lokubulala ngokungenhloso emgwaqweni omkhulu uMatanzima khona KwaNobuhle.
“Ngezikhathi zabo-4.30 ekuseni, umtshayeli wemota yohlobo lwe-VW Polo, ufike esiteshini samapholisa eyobika ukuthi utshaye umuntu,” kusho uCol Naidu. Amapholisa aphuthume kuleyo ndawo athola owesilisa edindilizile emgwaqweni esetshonile.
Kuvele ngokuhamba kwesikhathi ukuthi lo otshaywe yimota yindodana esolwa ngokubulala unina,” kutsho amapholisa.
Amapholisa aphenya icala lokubulala ngokungenhloso. — Isolezwe
Online Reporter