Online Reporter
Nkosilathi Sibanda
KULENDODA yeMvuma, eNkabazwe yelizwe ezahlala ejele iminyaka eyisikhombisa kulandela ukutshisela umakhelwane wayo labantwana abane endlini kubangwa inkukhu ezicatshileyo.
USimbarashe Mafeta oleminyaka engu-25 yokuzalwa umiswe phambi kukamantshi eGweru, ngeviki edluleyo, esetheswa icala lokuzama ukubulala.
Kubikwa uMafeta, mhlaka 17 Ncwabakazi lonyaka, wafika endlini yelinye inina kuVillage 72 eHuchu, eMvuma, ngehola letshumi ebusuku. Inina leli, elileminyaka engu-38 yokuzalwa, lalilele labantwabalo abane kulindlu, abaleminyaka yokuzalwa ephakathi kwemihlanu letshumi.
UMafeta wathi inina leli liphume phandle, elethesa icala lokwekela inja yalo isidla inkukhu zayo. Inina leli lala ukuphuma, uMafeta walumathisa indlu.
Kubikwa abahlanu laba bahlaba umkhosi omakhelwane baphanga bayabakhipha phakathi kwendlu le.
Umlilo wabhidliza impahla ebiza i-US$2 000.
Umantshi kulelicala ugwebe uMafeta ukuthi ayepika iminyaka eyisitshiya galolunye ejele. Wehliselwa iminyaka emibili nxa engaziphatha kuhle. Utshelwe ukuthi abhadale i-US$2 000, ukuze abuyisele impahla eyabhidlizwayo.
