Online Reporter
“UKUHLALE uphokophelele ukutshaya into ecokeme emsebenzini owenzayo kwenza ukuthi kwesinye isikhathi ucine unganaki ubuhle lobunengi bezinto osuzenzile ngobuciko bakho, okungenza ukuthi licine litshayeka indiva lakuwe uqobo iqhaza olibambileyo kokwenzayo.”
Utsho njalo umculi wama-piano ongomunye wabangaconsi phansi kulindima u-Aymos, ngesikhathi elandisa ngokwenze wakhipha ingoma yakhe entsha futhi etshisa izikhotha kulezi zinsuku ethi Masipala Womdantso, ayitshaya ngokubambisana loMas Musiq loLawd Weezy.
Enaba ngomcabango wale ngoma ephume ngo-Ncwabakazi 8, u-Aymos ogama lakhe lokuzalwa nguBabili Shili, uthe uqoke ukusebenzisa ubuciko bokuveza lokuqhakambisa ukuthi izinga lakhe seliphezulu kangakanani kulindima yomculo, njengoba ezibona ukuthi usalokhu eyibamba kahle kusukela eqala ukugqama kwezobuciko eminyakeni emihlanu edluleyo.
“Yingakho ngisebenzise leli gama elithi umasipala, ukucacisa ngendlela ehlukile yobuciko bokuveza lokucacisa ukuthi izinga esengilona manje liphezulu kangangokuthi ngingazifanisa lomuntu ophethe lowengamele umphakathi njengobuholi bomasipala wezindawo nje ezahlukene, esaziyo ukuthi kusuke kubhekwe wona ezintweni ezinengi, lami engitsho khona ukuthi kwezobuciko bomculo izinga lami ngilibona selikuleso sigaba uma ngibheka ubunengi bezingoma ezimnandi engibe leqhaza kuzo ezijabulisa abalandeli bomculo,” kutsho yena.
Uthe lokho kakukhulunyiswa yikuzithwala noma ukuzikhukhumeza khepha yingoba eqonda ukuthi uma uliciko eligxile entweni eliyenzayo lelitshisekela ukwenza kahle, kuyenzeka ukuthi ezinye izinto ungazinaki — okungenzeka lokuthi labantu noma izinhlaka ezithile okumele ngabe ziyakutusela lokho, zimane ziwuhlabe inhlali nje, zingayingeni nhlobo.
“Ngale kwalokho ngizoqhubeka ngitshisekele ukuba ngcono kakhulu kunengi yikho manje futhi minengi omunye umculo wamaciko ehlukene, engingabala kuwo uThukuthela, Jazzworx nabanye abanengi, engizozwakala maduze ngitshaya into ecokeme ezingomeni abangipike kuzo, ngibe ngiqhubeka ngipheka umculo wami engizowukhipha uma sengibona ukuthi sekuyisikhathi esifanele ngoba angifuni ukujaha ukuhlale ngikhipha njalo, ngilendlela yami yokukhipha umculo ngezikhathi ezithile uma kufanele,” kutsho u-Aymos.
Leli ciko laseThembisa, eGoli, lilama-albhamu amabili athi Yimi Lo yango-2021 leyanyakenye ethi Impilo — kanti lizakhele udumo ngezingoma esingabala kuzo ethi Mama, Lyf Styl, Fatela, Izenzo, Amabhoza nethi 10K Wezinkomo ukukha nje phezulu. — Isolezwe
