Online Reporter
Nkosilathi Sibanda
KUMALANGA alandelayo kukhangelelwe ukuthi iHighlanders yethule umqeqetshi omutsha, uThabo Senong, oweSouth Africa, okubikwa uzasebenza loBenjani Mwaruwari.
Abafakazi abaqotho emahofisini aleliqembu baqinisekise ukuthi uMwaruwari uzakuba ngu-technical director. Ekuqaleni, inkokheli zeHighlanders bezingafuni ukuthi uMwaruwari abengumqeqetshi loba nje usomabhizimusi wakuleli uWicknell Chivayo wayebike ukuba uzabhadala iholo lendleko zakhe.
Kulembiko njalo esisabalale ebulenjini eqinisekisa ukuthi kuzaqhatshwa uSenong, kodwa iHighlanders isathule ngalokhu. USenong uza kuleliqembu ezongena isikhundla esasiphethwe nguPieter De Jongh.
Useke waba ngumqeqetshi weSingida Fountain Gate eTanzania, iqembu lelizwe leLesotho. Uhlonitshwa njalo ngokuba yingcitshi yokulolonga abadlali abasakhulayo, nanko wake wasebenza ku-Orlando Pirates lakuqembu leSouth Africa Under-20.
Kubikwa uSenong uzabuya lomsekeli wakhe kunye lalo ozasebenza ukuhlaziya imidlalo.
