Vana vechikoro 2 vapondwa . . . mutumbi yawanikwa muchimbuzi

Muchaneta Chimuka

MAPURISA eZimbabwe Republic Police (ZRP) anoti ari kuferefeta nyaya yevana vaviri vemakore 7 okuberekwa vekwaBesa, kwaMutasa, kuManicaland, avo vakashaikwa kuchikoro nemusi weChipiri svondo rino, ndokuzowanikwa vakapondwa, mitumbi yavo yakakandwa muchimbuzi chiri pane mumwe musha wava dongo.

Vana vakauraiwa ava ndiMelisa Benza (7) naDelan Benza (7) avo vaidzidza paSt Robert Mbasa Primary School, kwaMutasa.
Vanonzi vakawanikwa vakachekwa mitsipa.

Mutauriri wepamurisa munyika, Assistant Commissioner Paul Nyathi, vanotsinhira nezvenyaya iyi.

“Tichakutumirai zvizere panyaya iyi uye ichokwadi kuti yakaitika. Vana ava vakashaikwa ndokuzowanikwa mitumbi yavo yakakandwa muchimbuzi mushure mekunge vanhu vatevedza mihwezva yekuzvuzvurudzwa kwaiitwa mitumbi uye ropa izvo zvainge zvakananga kuchimbuzi,” vanodaro Asst Comm Nyathi.

Zvakawanda zviri kutevera.